عاوزه اعرف رأيكم بصراحه.

السلام عليكم ورحمه الله وبركاته
ازيكم ياشباب اخباركم ايه يارب تكونوا بخير
انا عندى موضوع عاوزه اكلمكم فيه واعرف رأيكم كلكم
موضوعى النهارده عباره عن سؤال عاوزه اسألهولكم

ياترى بتقدر تاخد حريتك فى المجتمع وفى البيت
وايه رأيك فى الديمقراطيه عندنا فى البلد
تفتكر احنا فعلا مستمتعين بالحريه والديقراطيه زى مابنشوف فى الاعلانات بتاعت الحزب الوطنى فى التليفزيون
اللى بتقول ان هدفهم الاكبر هو اعطاء الحريه لينا
وفى البيت برضو بتقدر تتكلم بحريتك ولا مقيد


عاوزه اعرف رأيكم ياشباب بصراحه

انا برده من رأى تريكا
بس هما مش سايبينا نقول براحتنا خالص برده فى حدود
بس هما يعملو اللى هما عايزينه

ااه
بمعنى القافله تسير و(.........) تعوى
فى موقفنا دا احنا مش اكتر من
(.............)
يعنى احنا فى وادى وهم فى وادى
يكفينا اننا عندنا الحريه اننا ننزل موضوع زى دا
نفتح اصلا مجال للنقاش
مش مهم تنزل رأيك كفايه عليك انك اتفتح لك مجال للنقاش
بس خليك انت مؤدب واحتفظ برأيك لنفسك
اصبحنا مجرد
(.............)
تعوى



ربنا يعافينا

بشكرمكم ياشباب على مروركم الجميل دا

والله دا حتى
(.......)
ممكن يجيبوا حقهم ويعوا عننا
انما احنا حتى العواء مابقاش ليه مكان بينا

تحياااااااااااا مصر
والله حقولك على حاجه بلدنا دى مينفعش فيها الدمقراطيه بصراحه لاننا شعب زباله والله ومعفن ولو كل واحد قال كلمته حتخرب اكتر مهى خربانه
وبالنسبه للحريه فى البيت اكيد كل واحد ليه حدوده بردوا مش بيعديها

انا من رأي تريكه بس كتر خيرهم سايبنا نتكلم
دول تانيه ما تستجري تجيب حتي سيرة البوس
بس الفرق الدول التانيه غنيه مش فارقه احنا مشكلتنا الفقر الله يحرقه

يا ساره انتى لو بتتكلمى عن الفقر بصى للصين كانت ايه وبقت ايه
بجد لو كل دوله حطط الصين مثل وعملت اعتبار ليها حتعمل المستحيل
انا الشعب ده بجد بحبه اوى وبقدره عرف ازاى يعمل نفسه مع انهم اكتر سكان الارض ومساحه ارضهم صغيره بجد اضربلهم تعظيم سلام

عندك حق يا أمير يبقي العيب فينا
بس كده يبقي ما في حل ان كنا مش عارفين
نبطل نرمي زباله بالشوارع اسفه للفظ بس ما ليها اسم احسن من كده

شعب مصر اللفظ الموجز اللى ممكن يتقال عليه انه شعب فقر
جاب الفقر للبلد
كله بيفكر انه يبقى كويس ان شا الله حتى يسيب مصر خالص
بنفضل نتكلم اننا عاوزين نطورها ونظبطها ومصر وحشه ومصر معرفش ايه
لما تقول لحد طيب ما تخليك عسول بقى وكمل جميلك واقعد فى مصر فيدها بمجهودك اللى بتفيد بيه الدول اللى ممكن تسافرها
هيقولك ياعم فكك منى هو مافيش غيرى فى مصر
كلنا هنفضل نقول كده
لحد ما هنصحى فى يوم نلاقى البلد بقت شويه رماد
كنا بنفخر باللى عمله الفراعنه والاهرامات الى اتبنت والتحنيط وان حتى الامريكان مش عارفين سر التحنيط
محسسنى اننا احنا اللى عملنا خلطه التحنيط
احنا زيينا زيهم برضو مش عارفين سر التحنيط
ولما تشوف واحد مصرى بيفتخر بالاهرامات بيحسسك
انه كان بيرفع الحجاره مع الفراعنه
حرام عليكوا بقى فوقوا شويه
احنا بقينا بلد متخلفه وكله بسببنا
والله لو كان التراب بيتكلم كان تراب مصر هيتكلم ويقول ارحمونى
مافيش حسن استهلاك فى حاجه خالص
النيل ولوثنا مايته
الشوارع وما بقاش فيها حته نضيفه من الحاجات اللى بنرميها فى الشارع فى قمه الاستهتار
الشباب والمخدرات لحست دماغهم
ومش وراهم حاجه غير انهم يعاكسوا البنات ويوم ما يجى معاد دخوله الجيش
يدعى ربنا انه ما يدخلش
وفى الاخر يعمل فيها متدين ومتمسك بكتاب الله وسنه رسوله
ما عرفش بقى مره وهو بيسمع احاديث للرسول ان العين اللى بتحرس الوطن مش بتمسها النار
مش بنتكسف من نفسنا
لما نروح فى حته بره مصر ولمجرد معرفتهم جنسيتك المعامله بتبقى هباب
مش بتحس بحسره لما المصريين بيتقتلوا بره
واحنا اللى بنتمحك فى الحكومات اللى حصل عندها المشكله علشان يكلمونا مش يعتذرولنا كمان
وفى الغالب احنا بنطلع غلطانين وبنعتذر

هقول ايه ولا ايه
مصر عاوزه تغيير جذرى
او بمعنى اصح عاوزه شعب جديد
بس ارجع واقول احنا نستاهل اى حاجه بتحصل لنا

تعرفى يا يارا انا لو مسكت رئيس للبلد دى
اول حاجه حعملها حعمل مذبحه جماعيه لكل تجار المخدرات والبلطجيه والناس الحلوه دى
وده طبعا نص الشعب والنص تانى حنقى منهم الناس النضيفه واعدم الباقى
وابداء اعيد بناء مصر من تانى بجد مصر دى ملجاء لكل منحرف

اه والله ياامير عندك حق
احنا محتاجين مذابح زى مذابح هتلر
بس المره دى مش هنسيب باقى للمصريين زى ماهتلر ساب باقى لليهود
مصر فعلا بقت مأوى لكل منحرف وكل العالم الفشله
بالله عليكوا عمركوا شوفتوا بلد بيجيها الممثلين والمنحرفين من كل انحاء العالم زى مصر
شويه شويه هيعملوا مهرجان كان عندنا ويفرشوا الرد كاربيت
وكمان اللى فاضل نستصلح توشكى ونزرع فيها بانجو ومخدرات
علشان تبقى القصيده كملت
والله حاجه محبطه جدااااااااااا
معرفش احنا لسه مستحملين كده ازاى
وبعدين ياامير انا عندى اعتراض على كلامك
لانك اصلا لما هتشوف المصريين وتدور عى حد نضيف
مش هتلاقى100 ولا 200
نضافه ايه بس
يلا ماعلينا
ادينا لسه مصريين

ههههههههههههههههههههههههه
انا لو عليا اعدم المصرين كلهم واعيش انا وحبيبى لوحدنا
ونجيب عقد عمل للسعوديه ونجيب مروحه وخلاط ونعيش ياتنا

أنا من رأيي أن في البلد دي لكل واحد درجة معينة من الأهمية ... وعلى أساسها بتتحدد درجة الاستجابة لصوته ولرأيه .... وده قانون عادل ومبدأ حكيم ... لأن مش معقول حد يرضى أنه يتساوى صوته بصوت عربجي أو زبال ... كذلك اللي فوق مش معقول حيرضى يتساوى صوته باللي أقل منه... وهذا مبدأ توزيع الديمقراطية والحرية على حسب الأهمية وأنا من أكثر مؤيديين هذا المبدأ وشايفه بيتطبق فعلا وربنا معاكي يا مصر يا أم الدنيا

وياريت يا جماعة اللي بيتكلموا بالشكل ده عن البلد يعيدوا التفكير ... شعبنا مش سيء كده ... عالأقل أحسن من غيره ... والنقطة دي يعرفها اللي سافر برا البلد وراح بلدان تانيه وشاف الناس اللي مش نضاف على رأيكم ...شوفوا الناس دي برا مصر ازاي وفي مصر ازاي...شوفوا البلطجي والحرامي وتاجر المخدرات والشريف والموظف وكل فئات الشعب في أي مكان في الدنيا ولو أمريكا ولو أي بلد مهما كانوقارنوهم بكل فئات الشعب عندنا... حتلاقوا أننا في نعمة والله... ووالله اني بتكلم بجد وعن تجربة واللي حيسافر فيكم في أي مكان حيتف عليه وحيقول الغربة مرة ... وحيفتكر كلامه عن الشعب والبلد اللي مكنوش عاجبينه ويعرف انه كان في نعمة بيتأمر عليها

-::TeRiKa22::- كتب:

lovelyking كتب:أنا من رأيي أن في البلد دي لكل واحد درجة معينة من الأهمية ... وعلى أساسها بتتحدد درجة الاستجابة لصوته ولرأيه .... وده قانون عادل ومبدأ حكيم ... لأن مش معقول حد يرضى أنه يتساوى صوته بصوت عربجي أو زبال ... كذلك اللي فوق مش معقول حيرضى يتساوى صوته باللي أقل منه... وهذا مبدأ توزيع الديمقراطية والحرية على حسب الأهمية وأنا من أكثر مؤيديين هذا المبدأ وشايفه بيتطبق فعلا وربنا معاكي يا مصر يا أم الدنيا

القران بتاع ربنا مقالش كدا

و ديننا ما اتعلمناش فيه ان في فرق بين شخص و شخص الا بالتقوي و العمل الصالح

و اساس العدل في اي حاجة هو الديمقراطية و المساواة

كلامك دا يدل علي انك من المنتفعين بالفساد المنتشر في انظمة البلد في المصالح و خلافه

أخي أبو تريكا ... أرجو منك لا تتهم الناس بكلام قبل أن تحاسب نفسك ... لو تكلمنا على الفساد والانتفاع ... فأنت أول المستفيدين ... وكلنا مستفيدين ... وصلة الدش .. وصلة النت ..تشارك في الفساد وتنتفع منه.... لو كنت في عمل وتتكلم على اي موقع فهذا فساد...قس على هذا أشياء كثيرة وتجد أيضا أننا لا نلتزم بكل شيء في الدين ( للأسف ) ونحرم على الناس ما نحلله لأنفسنا ...

ولا أحب أن أخوض في هذا الموضوع خاصة أننا على طريقين بعيدين تماما خاصة في القضايا الدينية ... وأهلا ومرحبا برأيك مهما كان

ولكن كلمتي التي أقولها للجميع بأعلى صوتي ... مفيش أحلى من البلد دي لو لفيت العالم ... واللي بيقول غير كده حيفهم كلامي أول ما يمشي أول خطوة في مطار بلد غير مصر ... حتحس ساعتها أنك سبت وراك حاجه غاليه جدااااااا ومكنتش حاسس بيها... وحتقول كلمة واحده بس: وحشتيني يا مصر ,, وحشتيني بكل شيء فيكي سواء حلو ولا مر ...ربنا ما يجعل مصر توحش حد فيكي ويجرب احساس الغربة ...

عندك حق ياكينج لما قولت انى لما بخرج من مصر واروح اى دوله تانيه
بحس بمصر اوى

احنا فعلا بنحس بمصر لانها بلدنا ترابها اتربينا فيه
بس مش معنى كده انى اقول ان مصره حلوه اوى كده
وانا كنت بظلمها
مصر حلوه فى نظرى انا بس
انا دلوقتى هتلكم عن الناس فيها
مصر لو كانت حلوه ياكينج فعلا
ماكانتش نسبه العنوسه فيها تخطت ال9ملايين
ماكنتش نسبه البطاله تجاوزت ال51%
ولا نسبه الفشل الكبدى وفيرس سى فيها تجاوزوا ال40% من شعبها
ولا كانت نسبه الاصابه بالمرض هتوصل ل3ملايين كل عام
احنا ماشاء الله علينا
نسبه الاصابه بالفشل الكلوى سنويا فى مصر تتجاوز35الف مصاب
واحنا بلا منازع نحتل مكانه متميزه فى الاصابه بالتيفود
بالله عليكوا فى تخلف وتأخر اكتر من كده
فى بلد لسه شعبها بيصاب بالتيفود
ايه التخلف دا
داحتى المايه ملوثه وحالتها كرب
بعد دا كله بلد ايه اللى هنحبها
اذا اردت ان تطاع فأمر بما يستطاع
لو عايزنى احب مصر هاتلى حاجه احبها فيها
ماتقوليش تراب البلد
تراب ايه اللى هينفعنى وانا بموت ومش لاقيه شويه مايه
وانا عندى نيل
التراب ممكن اخده بشويه مايه بدل الدوا لما اصاب بالتيفود
بلد ايه اللى هفكر فيها وانا مش عارفه امشى فى شوارعها بأمان وبتلفت حواليا
علشان مافيش كلب يجى يعاكسنى
وبالله عليكوا محدش يقلب على موضوع اللبس وان البنات هى السبب
خلونا فى موضوعنا
بلد ايه اللى احبها وانا مش عارفه اتكلم فيها واقول لاء وانا متطمنه
ايه اللى يمنعنى انى اقول دا ينفع ودا ماينفعش فى مصر
ايه الفرق بينى وبين المسئول
عمر بن الخطاب رضى الله عنه قال
(لا يمنع احدكم حداثه سنه ان يدلى برأيه فإن الله يضع علمه حيث يشاء)
مش معنى كده انى هخلى كل من هب ودب يقول رأيه ويتكلم
بس اسمع منى
خلى منى شاب او شابه ليها لزمه فى الحياه
ابنى فيا الرأى الناقض
ابنى شباب البلد
الطفل المصرى اذكى طفل فى العالم لحد سن 6سنوات
بعد كده تفتكروا ايه اللى بيحصل
بيبدأ يدخل مدرسه مصريه ويبقى اغبى طفل فى العالم
علمونا اننا مانفتحش بوقنا بكلمه
لحد ماهيحتاجونا فى يوم من الايام نتكلم وندافع عن البلد
وقتها للاسف اللى حصل حصل
واخدنا على اننا نكون
صم وبكم وعمى



ولا يزال المسئولون يرددون



البلد مش هتقع

اخي العزيز انت بتتكلم عن مصر وعارفه ان احساس الغربه يمكن مأثر بيك شويه
بس في فرق بين الغربه لاني مسافره برضو زيك وجربت الاحساس ده وظروفي بتمنعني انزل بالسنتين ما انزل بلدي
وابقي مشتاقه لها جداااااااااا زي ما بتقول واحساس الغربه اول ما بانزل يا سيدي باتحمل اد ايه ؟اسبوع
واحد فقط وباتخنق من بلدي للاسف مش اهلي لا باتمني لا اخرج ولا اقابل الزبال اللي بتقول عليه بمصر اخي العزيز
هو في زبال بمصر اصلا طب شوفت الزبال بره لابس ايه شوفت البسكت اللي في الشارع للزباله ديه شكله ايه

بلاش يمكن تقول الشعب مش نظيف
مطار ايه اللي بتتكلم عنه احنا بنلاقي مقاعد يا سيدي بالمطار بنقف امام بوابات الدخول للمطار سواء الجديد او القديم لو بتسافر من القاهره شوفته اما تدخل شوفت الزباله اللي جوه امام الاستراحه عند الطائره مباشرة شوفت المضيفات المصريات ومعاملتهم الزباله لو ركبت طيران غير مصر للطيران هتعرف الفرق . يا سيدي بتنزل وتستخدم سلالم في مصر بتشوفها بالبلد اللي بتسافرها؟والا بتستخدم الممرات من المطار للطياره ده للمطار انت شوفت شوارع بلدك مصر شكلها ايه؟
يا سيدي انت روحت المصالح الحكوميه علشان تصريح العمل بتقول ان الناس المفروض حسب اهميتها الزبال مش زي غيره
في مصر لو واخد افضل شهادات ودراسات بتتعامل زي اللي معاه جنسيه امريكيه او فرنسيه او اي جنسيه
حتي لو مصري اصلا ؟لا طبعا المصري لما يروح شرم الشيخ ومعاه جنسيه تانيه ببلده بيخبي انه مصري ويتكلم اللغه التانيه علشان فرق المعامله ودول اصدقاء لي مش هألف لك انت بشتغل بالبلد اللي انت سافرت فيها والابتتفسح والا لسه بتدرس عشان في فرق
احنا بنشتغل هنا, بمصر بقي بتفرق معاملتنا عن هنا انا هنا باحس اني انسانه الناس بتحترمني من غير ما يعرفو انت مين او ابن مين في الشارع مثلا العربيه بتقف لك عشان تعدي ؟ابقي جرب تعدي في مصر
وقولي وقفت العربيه والا بتشيل اللي امامها ويقولك انت اعمي مع انه هو اللي شويه هيدخل ع الرصيف يدوسني
والله انا اول واحده كنت بادافع عن بلدي واقف ضد اللي يتكلم عليها لحد ما سافرت صعبت علي انا بحب ترابها باشتاق لها نفسي اعيش بيها لكن ما اتحمل اسبوع ولو عندي كل الكماليات عربيه شقه باحسن حته بمصر برضو صعب
اه نسيت انت بتروح اسواق مصر والا ما تعرفها روحت اسواق البلد اللي انت فيها ؟اه نسيت ما فيها اسواق سوبر ماركت او هايبر ماركت انا مش باتباهي بس الحقيقه
من الاخر هناك فرق بين شوقك والغربه اللي انت فيهاوبين الاوضاع بمصر. انت ما جربت الشباب اللي ببلدك عاملين ازاي؟ يبقي ما تتكلم ع لسانهم هم ادري بحال البلد هم ادري طالع عينهم ازاي يتخرجو ا ومعاهم افضل شهادات وكمبيوتر ولغه مش زبالين اهم, امال مالهم بقي؟ ومش لاقين شغل ولا عارفين يتجوزو انت ربنا يوفقك ويكرمك ابقي هات لهم الشغل معاك وهم يقولو لك الفرق
مصر الله يكون بعونها هي ماشيه عشان الغلابه جرب وانزل عيش بمصر شهرين كده لو قدرت قول لنا اجرب ع فكره انا بدوله عربيه كمان مش اروبيه يعني لو سافرت اوروبيه عن قربيب ربنا يستر وبالاخر برضو بلدي باحبها لاني بالاخر مصريه
ما حد هيستحملك غير بلدك بس هناك فرق باتمني ربنا يكرم بلدي وتبقي احسن مكان بالعالم فعلا
واتمني ما تفهم كلامي هجوم بس انا جربت الفرق لو في وجهه للمقارنه تحب تقول عليه تقدر تقول
يمكن اكون نسيت اصلها لا تعد ولا تحصي وانا عارفه هي حلوه مصر بس الاجازات ننزل نتفسح ونصيف بمارينا الساحل الشمالي بالغردقه- شرم ولو انهم حر نروح سينما لكن الناس مش عايشين كده طول السنه اللي عايشين بمصر