هل الدعاء يغير المصير؟؟؟؟؟؟؟؟؟؟؟؟؟؟؟؟؟

هل الدعاء الى الله يغير المصير ام لا يغيره

ده سؤال انا عايزه اعرف الرد عليه

بصي نصيحتي لو عايزه تعرفي اجابه السؤال ده فعلا حاولي اسئلي حد مختصص
بس انا ليا راي والله اعلم

قول رسول الله صلى الله عليه وسلم: ينزل ربنا إلى السماء الدنيا في الثلث الأخير من الليل، فيسأل هل مستغفر فأغفر له فإذا أعطاك وتاب وغفر فقد غيّر ما بك من منكر أو كدر.
فمعني الحديث الشريف ان حتي لو عندك ازمه او مشكلة ودعيتي ربنا فهو قادر علي انك يجيبك
الدعاء هو العبادة وكل أعمال المؤمن عبادة فهي تغيير لما بك من كدر ومنكر لأنها تجعلك مع الله، بالله وفي الله ولله، فيكون الحق سبحانه هو من يرعى شأنك ويدفع عنك ويحوطك برعايته
"ومن يتقِ الله يجعل له مخرجًا ويرزقه من حيث لا يحتسب ومن يتوكل على الله فهو حسبه "
برضه معني الايه الكريمه دي ان لما الانسان يتقي ربنا في افعاله يجعل له مخرجا من ازماته والتقوي ممكن يقويها ويزيدها الدعاء
"، وإذا تقربت إليه شبرًا تقرب إليك ذراعًا وإن ذراعًا فباعًا وإن مشيًا فهرولة"
والتقرب لله يكون بعدة طرق منها الدعاء والرجاء
في كل ده تغيير للقضاء إن كتب لك بدل السعادة شقاء
وفي اية قرآنية كريمة بتقول
"يمحو الله ما يشاء ويثبت وعنده ام الكتاب"
ومثلا كان عمر بن الخطاب - رضي الله عنه - يقول وهو يطوف بالكعبة : اللهم إن كنت كتبتني في أهل السعادة فأثبتني فيها ، وإن كنت كتبتني على الذنب [ الشقاوة ] فامحني وأثبتني في أهل السعادة ، فإنك تمحو ما تشاء وتثبت وعندك أم الكتاب
وبرضه الله اعلي واعلم وان شاء الله يفيدك غيري بالاجابه الاكيده

ميرسى ليك اوى يا تريكا وانا فهمت كلامك وجزاك الله خير

ميرسى ليك يا دى جى كى استفت منك يا عسل جزاك الله خيرا