حمله العفه فى امتنا2

السلام عليكم

في الجزء الأول من السلسلة أخدنا خطوة في طريق العفة

والسؤال وإجابته

ما هي مشكلة المسلمين حالياً التي من خلالها نظام الدنيا تغير؟؟
ج : ابتعادنا عن الدين , يبقى أول حل عشان تعود العفة في أمتنا العودة الصحيحة الي الدين , واخذ الدين من أهله

الجزء الثاني نبدأ على بركة الله
****************
كلنا بنخاف م الموت
وهو حق علينا
وكلامنا عنه سكوت
وكإنه مش هيجينا
والحياة مش دايمة لينا
دي الحياة فانية
ده أحنا لينا يومين نعيشهم
مكتوبين في الدنيا
بعدها حيكون أجلنا
ولا يتأخر ثانية
وأحنا مهما عاملنا طاعة أو ذنوب
كل شئ مكتوب علينا وعلينا محسوب
يعني ناخد بالنا من عمرنا
وف كل ثانية

كلمات يارب نفهم كلنا معانيها , عايشيين عشان ايه..؟؟؟

الموت حقيقة وكلنا حندوقها
قال تعالى " كل نفس ذائقة الموت"

ليه بنخاف من الكلام عن الموت , وكإنه مش هيجينا
وده غلط , عشان ذكر الموت بيصحي القلب , بدل ما نعيش والقلب ميت مش بيفكر الا في حاجة مش دايمة
والدنيا كلنا عارفين انها زيينا زيها , هتموت , يعني أحنا من الدنيا بنحوش للآخرة , في ناس بتحوش للجنة أعمال وطاعات وعبادات وخير
وناس للأسف اشتريت الدنيا وباعة الآخرة بثمن رخيص

كلمة جميلة جدا قالها الدكتور عمر عبدالكافي في سلسلة الدار الآخرة
الجنة ببلاش والنار بفلوس

ومعنى كلامه
ان الإنسان لما بيروح مثلا المسجد كل خطوة بيخطيها في ميزان حسناته ونبص
على ثواب الخطى الي المساجد ندور على الأحاديث الجميلة دي اللي فيها خير
كبير , هنلاقي ان أي شئ الإنسان بيعمله في سبيل الله مش بيروح , انت ممكن
تتصدق بالقليل جداً من المال , بس القليل ده عن ربنا كبير , وبينميه
وتلاقي مثلا 50 قرش انت طلعتها في سبيل الله , يوم القيامة تلاقي ثوابها
كإنك مطلع ملايين , واللي مطلع ملايين ثوابه كإنه طلع مليارات وهكذا
ويضاعف الله لمن يشاء , وغيرها من الأعمال , زي ذكر ربنا والثواب الكبير
لصلاة ركعتين بس قيام الليل و و و و , وياريت نجيب كتاب عن فضائل الأعمال
ونسئل علماء وندور عن اللي يقولنا عن الأعمال الصالحة اللي أي حد يقدر
يعملها من أول الأعمال البسيطة اللي أي حد يقدر يعملها بدون ماديات لحد
الأعمال اللي فيها مال , شيل طوبة من الأرض , شيل مسمار بنية انك بتحمي كل
مسلم من أي أذى , ربنا يقبلها بإذن الله وثوابها عظيم , شوفوا قد ايه حاجة
بسيطة وسهلة على أي حد وثوابها كبير , وحتى لو بينفق مال في سبيل الله
عشان يوزع خير , سواء كان علم او مساعدات او صدقات او معونات كله في سبيل
الله ويضاعف الله الثواب لمن يشاء , ونفتكر ان الله هو الكريم الرءوف
الواسع

بعكس انسان بيدفع فلوس مثلا عشان يروح يتفرج على ماتش كرة ,
يروح ويشجع وهو داخل عشان يتفرج بيبقى متهان وبيتزق وسعات بينضرب , وهو
داخل المدرجات بيشتم وبيتشتم , ومش كل الناس بالأخلاق دي بس وقت بيضيع
وناس كثيرة بيتضيع ساعات وبتضيع الصلاة , عشان خاطر حاجة أصلا مش في سبيل
الله , الرياضة مهمة لكل مسلم , والأفضل من اننا نشجع اننا نمارسها ,
هيفيدنا ايه لما الأهلي او الزمالك يكسب , مش هيدخل جيبنا جنيه ولكن بنخسر
جنيهات , دة غير الناس اللي بتتراهن وبتدخل في حاجات حرام تانية والله
أعلم , وبدون تفصيلات كثيرة الناس عارفه الناس بتعمل ايه وبتقول ايه ,
واخر المتمة ناس بتكسر عربيات وناس بتضرب ناس وناس بتشتم ناس وناس بتتشتم
من ناس وناس والعياذ بالله بتسب الدين عشان ايه عشان : كرة , طيب نمارس
افضل ما نشجع , وأحنا الكسبانين والدين حيكسب مؤمنين اقوياء افضل من حالة
الضعف الحالية وشباب بتكح من الشيشة والسجاير , اللي يوصل ل 30 سنة يبقى
كإنه 50 او 55 سنة لانه ماحافظش على نعمة الصحة اللي ربنا ادهاله وفرط
فيها , وضيعها عشان مزاج بيضر كل حاجة فيه من اول جيبه لحد صحته والناس ,
والقاعدة الإسلامية بتقول لا ضرر ولا ضرار

وبالمناسبة ياريت كلنا نحمل سلسلة الدار الآخرة للدكتور عمر عبدالكافي
http://www.4shared.com/dir/13182599/82c49b7b/sharing.html

مساحتها صغيرة

واخيراً : عايزين نوصل من الجزء الثاني شئ بسيط جداً

أحنا عايشيين ليه؟؟ عشان نرضي ربنا ولا نرضي الناس ونفسنا
أحنا عايشيين عشان دنيا مش دايمة وعشان متعة صغيرة
أحنا
عايشيين عشان نطيع ربنا ونفوز بالجنة , ولا عايشيين نبارز ربنا بالمعاصي
وكإننا بنقول لا يارب مش عايزين جنتك , لا يارب احنا مش هنطيعك لاننا مش
محتاجين جنتك والنار اللي انت عاملها للعصاه هي مكاننا الطبيعي

ايه الكلام اللي بقوله ده؟؟؟ للأسف حالنا بيقول علينا كدة

والسؤال اللي بيه بنقول طلعنا ايه من الجزء الثاني

أحنا عايشيين للدنيا ولا للأخرة؟؟
ج : المفروض نكون عايشيين للآخرة مش للدنيا , واللي عايش للدنيا يارب تهديه ويرجعلك
الدنيا
الأصل فيها : اننا عايشيين فيها عشان نعبد ربنا ونعمر الأرض وننصر الدين ,
ومنها ناخد زاد للآخرة عشان ربنا ينجينا بإذن الله ويكون نصيبنا الجنة ,
وطمعنا في درجات عالية فيها بدون ما تلمسنا النار

عايشيين للجنة ولا للنار؟؟؟؟؟

لكن طريق النار ما اسهله , مش طريق واحد دوول كثيرة
من
حديث عبد الله بن مسعود رضي الله عنه: (أن النبي صلى الله عليه وسلم خط
خطاً بيده -رسم على الأرض خطاً مستقيماً- ثم قال: هذا صراط الله مستقيماً،
وخط خطوطاً عن يمينه وعن شماله، ثم قال: وهذه سبل جلس على كل سبيل منها
شيطان يدعو إليها)
اللهم احمينا منها , وهنتكلم ان شاء عن العفة ومعوقاتها وكلها متصلة والسلسلة ان شاء الله في النهاية هتوصلنا للعفة الحقيقة الكالمة

كل مسلم لن يكون خالد مخلد في النار , وكلها احوال حنعرفها من سلسلة الدار الآخرة بإذن الله
كل من سيدخل الجنة سيدخل برحمة الله وليس بعمله , وبعد ذلك مكانه في الجنة بيتحدد بعمله , والله أعلم

وطبعا ده هيحصل لما نعرف الدين صح ونعيش صح زي ما ربنا عايزينا نعيش , مش زي ما قلبنا والناس وهوانا عايزنا نعيش